” وصلتنى للجنون ” للشاعرة المصرية : ولاء الدسوقى

كلمات الشاعرة : ولاء الدسوقى 

وصلتنى للجنون

عايزاك تغنيلى .. ترسم وتبنيلى

بيت م الرمل ..لكن

قول للنسمه لا تميلى !!

وانا هغنى واحكيلك

ومن حبى هشكيلك !

أصل السعاده ياحبيبى

فى لحظه بتهرب من إيدك

والدنيا إوعى تأمن لها

دى بتاخد أكتر ما بتديلك

موال وكتبته علشانك

فيه حيرتك .. غيرتك .. وجنانك

صدقنى الدنيا ما بتسألش

هتروح هاييجى مكانك

أوقات الموت بيفرق

والدمع جوانا بيغرق

وهيا .. عند الكل ولا بتفرق

دا حتى فى كلامى

بخاف أقولك محتاجالك

وصلتنى للجنون

وكام فكره مالهاش لزوم

محتاجه أهرب كام يوم

لمكاااان .. صعب يوصل له خيالك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *