” بعيدآ عن كل شيئ ” للشاعر العراقى : مصطفى العمار

كلمات الشاعر : مصطفى العمار 

بعيدا عن كل شيء..

سني اني واوكع متوني لحسين ..

واضل الطمله حد ما يهده باله ..

وابقى بكل محرم اذرف دموع ..

من اذكر عطش اخته وجهاله ..

وابو فاضل الضحه بچفه ع الماي ..

ما ينعد انسان الما بچاله ..

وتعلمت اليحب ويعشك حسين ..

يبين عشكه من  يملك  خصاله..

قضيه حسين بس قله اليفهمون ..

وقله المنه جم شغله حواله..

اليحب حسين كونه يقلد حسين ..

بشخصيته . بكلامه . بافعاله . بنضاله ..

وعابس ما طلع جي رايد الماي ..

بس الماي فزع وانتخاله ..

ابو فاضل لون محتاج للماي ..

بخزره عينه جا يركض اجاله ..

وزينب ما سبوهه عدها عباس ..

ضل وياها يمشي بدون رجلين ..

راحت لا بطر لا رايده الماي ..

زينب راحت وتحمل مضامين ..

جيف تزعزع الايمان بالشام ..

راحت زينب توضحلهم الدين ..

والجيش السباها شكم الف بي ..

شردت كلهه من صاحت يبو حسين ..

شردت ت كلها صاحو جاها عباس …

شايل سيفه جانه وعنده جفين ……

لـ مصطفى العمار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *